L'ASTURIES LLIBERAL

La Plataforma de Apoyo a Pepe el Ferreiro vien de convocar una concentración col lema “En apoyo a Pepe el Ferreiro y en Defensa de la Cultura Asturiana”, pal xueves viniente, 11 de febreru a les 19:30 hores, delantre la sede de Presidencia del Principáu d'Asturies, na cai Suárez de la Riva d'Uviéu.

La Plataforma quier amosar d'esti mou públicamente'l so reconocimientu a la intachable xera humana de Pepe El Ferreiro al frente del Museo Etnográfico de Grandas de Salime, asina como a la so aportación pa dignificar el mediu rural y la cultura popular. La concentración fadráse tamién col enfotu de refugar la decisión del Consorciu pa la xestión del mentáu muséu y pa esixir la vuelta de Pepe El Ferreiro a la dirección del mesmu.