El PP de Xixón otorga al profesor Jesús Neira'l VII Premiu 'Igualdad y Tolerancia' qu'entama la so área de la Muyer L'ASTURIES LLIBERAL

El PP de Xixón otorga al profesor Jesús Neira'l VII Premiu 'Igualdad y Tolerancia' qu'entama la so área de la Muyer

Jesús Neira y Pilar Fernández Pardo

El profesor Jesús Neira Rodríguez recibió'l VII Premiu 'Igualdad y Tolerancia' que concede l'área de la Muyer del Partíu Popular de Xixón. En rueda prensa previa al actu criticó que les lleis "sían mui benévoles col agresor", al tiempu que suponen un "abusu" pa les víctimes.

Tamién afirmó que nun se pue tresmitir a la sociedá que por una cuelma brutal haya una condena "ridícula". Ente otros cambios llexislativos Neira propón que se considere un agravante'l que'l maltratador actúe bebíu o drogáu. Pa él ye "lóxico", y comparólo colos casos de delitos de tráficu, onde sí lo ye.

Per otru lláu, apostó por que s'emplegue'l dineru público que faiga falta p'abellar y defender a les muyeres y acabar cola violencia de xéneru. Neira apoyó la intervención del Estáu y les instituciones autonómiques y locales, pero tamién dixo que les muyeres maltrataes necesiten la calor de la sociedá.

En cuantes al premiu, dixo recoyelu non en nome propiu, sinon como representación de la llucha contra la violencia de xéneru consecuencia de lo que-y pasó, que sirvió de revulsivu d'esta llucha. Dixo que los malos tratos son un problema de la sociedá "terrible y absolutamente inxustu".

Pela so parte, la presidenta del PP de Xixón, Pilar Fernández Pardo, destacó que'l profesor Neira aúna toles condiciones pa recibir esti gallardón, que distingue dende fai siete años la conducta y trayectoria d'una persona. El premiu entrególu la directora del área de la Muyer de los populares xixoneses, Elena González, tres de la intervención del miembru de la xunta directiva local Humberto Gonzali.

Javier Neira Rodríguez ye profesor de Teoría del Estáu na Universidá Camilo José Cela y presidente del 'Consejo asesor del Observatorio contra la violencia de género' de la Comunidá de Madrí.