L'ASTURIES LLIBERAL

'Artistes de la ceya' apoyen la reelección presidencial del social-indixenista Evo Morales

Evo Morales xunto al caudillu venezolanu Hugo Chávez

L'escritor Luis García Montero; los actores Juan Diego Botto, Juan Margallo; el secretariu xeneral de la Unión de los Actores, Jorge Bosso; la cantante Carmen París y el profesor Carlos Fernández Liria presentaron esti martes el manifiestu 'Miremos al Sur', n'apoyu a la reelección d'Evo Morales na presidencia de Bolivia, que tamién firmaron xente como El Gran Wyoming, José Luis Sampedro, Guillermo Toledo o Pilar Bardem. Nel testu convócase a un conciertu solidariu col políticu llatinoamericanu, que se fadrá nel salón d'actos de la UXT el próximu vienres. Les prósimes elecciones en Bolivia celebraránse'l 6 d'avientu.

Otros firmantes del documentu, miembros del colectivu popularmente conocíu como 'los artistes de la ceya', son Juan Echanove, Vicki Peña, Almudena Grandes, Silvia Marsó, Olga Lucas, Rosa Regás, Carlos Taibo, Eduadro Galeano, José Saramago, Darío Fo, Leonardo Boff, Salvador López Arnal, Ángel Aragonés, Miguel Brieva, Moncho Alpuente o José Sacristán. L'anécdota púnxola Juan Diego Botto, que piensa que Morales debió llevase'l premiu Nobel de la Paz, y afirmó que la llegada del actual presidente de Bolivia al poder "ye l'acontecimientu más importante n'América Llatina, dende Salvador Allende" en Chile.

Evo Morales vien llevando una política estremista en Bolivia, forzando de contino'l sistema políticu p'averalu cada vegada más al so peculiar socialismu teñíu d'integrismu indixenista.

circululliberal @ 21:43 Tags: evo+morales bolivia luis+garcía+montero juan+diego+botto unión+de+actores venezuela jorge+bosso carmen+parís carlos+fernández+liria el+gran+wyoming josé+luis+sampedro guillermo+toledo pilar+bardem hugo+chávez caudillu

Esbilla | del.icio.us