Encuesta demoscópica d'Antena 3 y Onda Cero: El Partíu Popular aventaya al PSOE en 6,2 puntos
Les encuestes siguen marcando un permanente desgaste del PSOE. Según l'ultimu sondéu, fechu por TNS Demoscopia pal Grupu Antena 3, correspondiente al mes de payares, el PP llograría el 42,2% los votos y el PSOE un 36%, ye decir, los populares aventayaríen a los socialistes en 6,2 puntos.
Del esbarrumbe del partíu gubernamental tamién se beneficiaríen otres fuerces. UPyD y Izquierda Xunida multiplicaríen los sos votos. La formación xacobina de Rosa Díez triplicaría'l respaldu en pasando del 1,2% al 3,3%. La coalición comunista algamaría un avance de seis décimes más que en 2008, hasta'l 4.4%.
Na estaya nacionalista los cambios sedríen mínimos; CiU caltendría'l 3% los votos y PNV, ERC y BNG sofriríen pequeños descensos d'alrodiu d'una décima. Un 4% la ciudadanía escoyería'l votu en blancu.
circululliberal @ 14:26 Tags: españa tns demoscopia antena+3 onda+cero encuesta pp psoe upyd iu ciu pnv erc bng
Esbilla
del.icio.usUn comentariu »
Toi convencía que ya ta faciendo falta d´otra manera de goberna´l Pais. Que la xente ta esmorecía i murnia con tanto como meten la pezuña los gobiernos. Que nos tienen asfixiaos a papeles, proibiciones, leis y no nos dexen vivir. Que se esmeren en facer les coses bien ellos . Aqui tenemos bastantina con salir alantre.
El Círculu Lliberal d'Asturies ye un proyectu de calter asociativu asturianista, democráticu y transversal
ANES — 03-12-2009 - 23:02:04 GMT 2