L'ASTURIES LLIBERAL

Asturias protesta polo plan de espallar a TDT galega

A NOSA TERRA. A directora xeral de Política Lingüistica do Principado, Consuelo Vega, recordoulle o martes ao presidente da Xunta, Alberto Núñez Feixóo, que as competencias entre Asturias e Galiza 'rematan nos límites exactos dos territorios'.

Vega realizou esta advertencia, en declaracións a Europa Press, despois de que o xefe do Executivo galego manifestase a súa intención de "estudar" a posibilidade de estender o sinal da televisión galega a comunidades limítrofes, Asturias entre elas.

"Confiamos en que, tras estudalo, chegue a unha conclusión sensata", engadiu a responsábel asturiana en materia de Política Lingüistica.

Consuelo Vega diferenciou dúas cuestións. Sinalou que por unha parte, os avances técnicos permiten hoxe en día ver en Asturias non só a televisión galega, senón a andaluza ou a francesa, igual que existen xornais dixitais do mundo. "Isto é algo positivo, beneficioso e enriquecedor", apuntou.

Por outra banda, destacou Vega, se se fala dunha decisión "consciente e programada" do Goberno dunha Comunidade Autónoma para influír lingüística ou culturalmente en territorio doutra comunidade, "estamos ante unha situación distinta". "Confiamos en seguir co mesmo espírito de respecto e colaboración", apostilou.

isolina-rodriguez @ 19:35 Tags: galego asturia alberto+núñez+feijóo consuelo+vega política+linguistica

Esbilla | del.icio.us