L'ASTURIES LLIBERAL

Esti alcuerdu afita la conexión ente los ciudadanos rumanos allugaos n'España y los dirixente del Partíu Popular 

El coordinador de Presidencia y Relaciones internacionales del PP, Jorge Moragas; el coordinador Electoral, José Antonio Bermúdez de Castro; y el coordinador de Política Autonómica y Local, Juan Manuel Moreno, aconceyaron col senador rumanu, Viorel–Riceard Badea, pa firmar un protocolu de collaboración ente'l Partíu Popular y el Partíu Demócrata Lliberal rumanu. Moragas manifestó que se trata d'un alcuerdu pioneru que quier dar respuesta política a una nueva realidá: "ciudadanos europeos d'un país amigu como Rumanía viven n'España, voten al so presidente en Rumanía y tamién votes a los sos alcaldes españoles, o non españoles, n'España". Moragas tamién dixo  que "nosotros nun queremos falar d'inmigrantes, falamos de nuevos españoles cuando nos referimos a la comunidá rumana que vive con nosotros"

Amás, l'alcuerdu inclúi fortalecer la cooperación ente l'Institutu d'Estudios Populares (ISP) y la Fundación pal Análisis y los Estudios Sociales (FAES).

Esbilla | del.icio.us