El PP de Xixón entama mañana un foru d'economía centráu na crisis económica L'ASTURIES LLIBERAL

Col lema 'La competitividad, la respuesta de futuro a la crisis' entama'l Partíu Popular de Xixón un foru d'economía, que se va cellebrar mañana llunes nel Centru Municipal d'El Llano y que va cuntar con trés meses de debate.

Na primer mesa, qu'emprima a les 17,20 hores, participará el vicerrector de Planificación económica de la Universidá d'Uviéu, Santiago Álvarez García y el secretariu xeneral de FEMETAL, Álvaro Alonso Ordás.

Na segunda mesa intervendrán el director xeneral d'Empléu de la Comunidá de Madrí, Valentín Bote Álvarez-Carrasco, el director xeneral d'Economía, Estadística ya Innovación de la Comunidá de Madrí, José María Rotellar García, y el profesor titular d'Organización Empresarial de la Universidá d'Uviéu, Guillermo Pérez Bustamante.

La tercer mesa xirará sobre reflesiones alrodiu de la crisis económica y les polítiques económiques d'España.

La presentación del foru, a les 17 hores, fadrála la diputada nel Congresu y presidenta del Partíu Popular de Xixón, Pilar Fernández Pardo.