L'ASTURIES LLIBERAL

D'izquierda a derecha, los miembros d'UPL Abel Pardo, Melchor Moreno, Gema Cabezas y Javier Chamorro (Semeya M. MARCOS)

Los conteníos filonazis de la denominada 'Llionpedia', sitiu d'internet que ye responsabilidá política del conceyal estremista Abel Pardo, van camín d'entamar una griesca interna na Unión del Pueblo Leonés, fuerza a la que pertenez esti edil y que gobierna na capital llionesa en coalición col partíu de Zapatero.

La dirección de la UPL aseguró que va proponer la espulsión del citáu Abel Pardo si s'afayen indicios del so venceyamientu colos testos d'apoloxía nazi espublizaos na 'Llionpedia', testos que fueren denunciaos énte la Fiscalía pol vicealcalde y presidente d'UPL, Javier Chamorro.

Pela so parte, el secretariu xeneral d'esta formación, Melchor Moreno dixo, lliteralmente, que "deploramos la información que sale en la Llionpedia y si se demuestra que hay un militante o militantes implicados en este asunto propondremos la expulsión inmediata. No podemos permitir esto", y amás que "actuaremos contra Pardo, pediremos la expulsión del partido. Con todo lo que está cayendo va a tener que tener una responsabilidad. Pediremos la expulsión de este compañero si hay suficientes indicios y si así lo considera la comisión de conflictos y la dirección del partido. No queremos militantes ni cargos públicos en nuestras filas que tengan este tipo de ideología, que está muy lejos de la que UPL persigue”.

Tamién, Javier Chamorro dixo qu'encargó a técnicos municipales el rastréu del autor de les entraes filonazis, que firma col nomatu 'Auslli', pa ver si esiste relación cola conceyalía de Cultura Leonesa, empobinada pol padrín de la fechura de la 'Llionpedia', Abel Pardo.

Fontes averaes a la UPL confirmaron que tamién causó maltar l'intentu d'amazcarar los conteníos negacionistes del Holocaustu cola implicación de Tarbut Sefarad, enredando pa ello al so responsable n'Estorga y qu'al empar fuere candidatu pol partíu rexonalista nun conceyu de la provincia vecina. 

Esbilla | del.icio.us