L'ASTURIES LLIBERAL

 Na 'Llionpedia' negáronse les espantibles cifres de la Shoá

La organización sindical CC.OO. esixó güei'l cese del conceyal estremista Abel Pardo pola apaición de testos filonazis y negacionistes del Holocaustu na denominada 'Llionpedia'.

Sigún CCOO l'alcalde socialista de Llión, Francisco Fernández, tien de cesar a Abel Pardo "en toles sos funciones" y apartalu d'esti mou del Gobiernu municipal. Falando de los conteníos del mentáu sitiu d'internet, el sindicatu diz que tien enllaces que "podríen suponer la defensa de determinaes teoríes revisionistes sobre'l nazismu y l'holocaustu xudíu". Amás, afírmase que la reacción "altiva y desafiante" espresada públicamente por Abel Pardo énte la difusión d'estos fechos ha ser motivu pa una decisión "más contundente" per parte del alcalde llionés. Asegúrase que les pallabres del conceyal d'UPL pasaron "de lo pintoresco a lo soberbio y d'ehí directamente a lo sicialiano" al tratase de "respuestes y amenaces" contra los medios de comunicación, que tán xugando un papel sobresaliente nel esclariamientu de lo ocurrío.

A lo útlimo, afirmóse que la ciudadanía llionesa, que tien dao muestres sobraes de maurez democrático, "nun pue aguantar por más tiempu" la presencia d'Abel Pardo nel equipu de Gobiernu municipal.  

Esbilla | del.icio.us