El Círculu Lliberal d'Asturies ye un proyectu de calter asociativu asturianista, democráticu y transversal
Fonte L'Arribada.
Manolo García, El Galano, en A Roda, 2009Aconceyáu, a cuatro díes andaos del mes de setiembre, el xuráu integráu por Alberto Álvarez Peña, Adolfo Camilo Díaz, Luis Casteleiro, Roberto Colunga, Antón García, Aurora García Rivas, Humberto Gonzali, Xosé Nel Riesgo, David M. Rivas y Xuan Xosé Sánchez Vicente, alcordó por unanimidá otorga-y'l III Premiu Timón a don Manuel García 'Galano', en virtú del valir de la so trayectoria lliteraria y la so aportación a la cultura del occidente asturianu.
D'esquierda a derecha, Roberto Colunga, Alberto Álvarez Peña, Adolfo Camilo Díaz, Antón García, Xuan Xosé Sánchez Vicente, Humberto Gonzali, Aurora García Rivas y David M. Rivas
Los miembros del xuráu consideren qu'esti autor, nacíu en A Roda (Tapia) nel 1922, ye destacable, amás de polos sos importantes méritos lliterarios, por escribir na so fala cuando cuasimente naide nun lo facía; facer que la so xente participare naquél entós nuna cultura propio, implicándola nel teatru qu'escribió y que representaben los vecinos como aficionaos; ser un referente cultural, pero tamién un referente de bon facer y un entusiasta de la cultura d'esta fastera d'Asturies, como asina lo reconocieren l'Academia de la Llingua, el Principáu y el conceyu de Tapia; tener trabayao estremaos xéneros amás del teatru, como ye'l casu la poesía y la narrativa, amás de facer trabayos d'investigación como ye un vocabulariu, artículos de prensa, estudios sobre música, ente más otros; ser la persona más vieya del occidente que sigue escribiendo y que tien detrás una mui consideratible creación.
Esbilla
del.icio.us
Nun hai comentarios »