El 'paraísu cubanu' nun-y presta nin a los deportistes d'elite de la islla
Otru disgustu pa la progresía de salón que puebla la xeografía del Reinu. Cuatro xugadores del combináu absolutu de baloncestu de Cuba quedaron en Gran Canaria tres los partíos amistosos que'l so equipu xugó frente a España y Canaries el pasáu fin de selmana. Paez ser que la dictadura cubana nun llogra vender mui bien en casa la so idega de 'paraísu' na tierra. 
Y mientre los ciudadanos cubanos fuxen del réxime de Castro en cuantes que pueden, Victor Manuel y Ana Belén, polo que se ve más 'llistos' que naide y a cuentu del polémicu conciertu de Juanes na patria de Fidel, dixeron que taríen encantaos de tocar col colombianu nesi campu de concentración conocíu como República de Cuba. Ye más, el nuestru Victor Manuel, el mesmu que-y cantara a Francisco Franco, agora ponse en plan 'revolucionariu' y diz, lliteralmente, que “al final quedará Juanes y no la gusanera de Miami”. ¡Qué vezu tienen los progres nacionales d'apoyar a les dictadures más sangrines del planeta! Y pa enriba nun paren de "metese en Fondures".
Publicao por Xerardo Díaz
Esbilla
del.icio.us
Círculu Lliberal d'Asturies ye un proyectu asociativu asturianista, que naz col enfotu de defender la identidá cultural d'Asturies, y que quier afitar un pensamientu lliberal necesariu pal progresu económicu y social.
Menuda historia cuentas, si los deportistas viven mal alli, el resto de la poblacion, mejor ni pensarlo...
Mujer | 10-09-2009 - 15:36:59 GMT 2 #