L'ASTURIES LLIBERAL
Bitácora del Círculu Lliberal d'Asturies

A la drecha, de pie, Antonio Medio. Tán tamién na semeya Andrés Escudero, Eladio Sánchez, José Manuel Rodríguez, Aurora Sánchez, Pachín de Melás y Balbina Carrera (Xixón, 1933)

César Vaquero. Dende'l 14 de setiembre va allugase nel patiu del Centru de Cultura Antiguu Institutu, venceyada a la programación de l'Arribada 2009, una esposición sobre l'actor y barítonu xixonés Antonio Medio. L'amuesa va componese de 14 paneles esplicativos de la vida y obra d'esti artista, que grabó numberosos discos de zarzueles d'éxitu como les "Campanas de Madrid", con música del maestru Jesús Romo, y que trabayó nes compañíes de Celia Gámez o Cifesa, entre otres. P'Antonio Medio escribieron autores como Fernández Shaw, Felipe Seoane, Serano Anguita, Carreño, Lozano y maestros como Romo, Alons, Guerrero , o Sorozabal. Grabó nun discu, xunto con Matías Prats, la 'polémica' Andalucía y Asturias, de Diego Terrero y Teodoro Cuesta. Foi, amás, creador de la Compañía de Arte Asturiano, uno de los intentos más serios de profesionalización, arriesgaos y con meyores resultaos escénicos de la llarga historia del teatru costumbrista asturianu. Esta esposición sobre Antonio Medio va tar abierta al públicu hasta'l 30 de setiembre.