L'ASTURIES LLIBERAL
Bitácora del Círculu Lliberal d'Asturies

César Vaquero. Un estudiu que presentó ayeri la Secretaría de Política Llingüística de la Generalitat amuesa que llingües estranxeres, como l'árabe o l'urdu, apaecen como d'usu habitual en Cataluña xunto al castellanu y al catalán. Responsables d'esta Secretaría tán sollertes énte lo que consideren un 'peligru de guetos'. El casu ye qu'en delles zones , como ye'l barriu barcelonés d'El Raval, hai grupos que puen vivir ensin usar les llingües oficiales de la comunidá autónoma. D'alcuerdu colos datos del estudiu, un 1,9% de la población tien como llingua habitual l'árabe (en 2003 yera'l 0,2%), mientres qu'un 4,6% usa otres llingües foriates pa comunicase (1,8% en 2003). L'aumentu de llingües estranxeres en Cataluña coincide con un descensu de más de diez puntos de los falantes qu'empleguen davezu'l catalán (del 46% pásase al 35,6%) y el castellanu (del 47,2% retrocédese hasta'l 45,9%). Nestos momentos hai más d'un millón de persones nacíes fuera del Reinu d'España residiendo en Cataluña, siendo'l principal continente d'orixe América (36%), seguíu d'Europa (30%) y África (25%). Tocantes a les nacionalidaes, la mayoritaria ente les estranxeres ye la marroquina, seguida pola rumana y la ecuatoriana.