El Círculu Lliberal d'Asturies ye un proyectu de calter asociativu asturianista, democráticu y transversal
Humberto Gonzali
César Vaquero. La Casa Conceyu de Xixón acoyó'l pasáu vienres la presentación de los miembros del xuráu del II Premiu d’ensayu y trabayos d’investigación “Fierro Botas”, convocáu pola Conceyalía de Cultura Tradicional y Llingua Asturiana del Ayuntamientu de Xixón. El xuráu fórmenlu Jesús Ángel Fernández Fernández, xesuita y miembru de la comunidá d’El Natahoyo a la que pertenecía Fierro Botas; Miguel Ramos Corrada, miembru de l’Academia de la Llingua Asturiana; Beatriz R. Viado, periodista; María Xosé Rodríguez López, responsable de la Oficina Municipal de la Llingua de Xixón; Vanessa Gutiérrez, escritora; Carmen Rúa, asesora de la Xunta de Gobiernu del Ayuntamientu de Xixón y exconceyala d’Educación; Humberto Gonzali, escritor, xestor cultural y miembru de la Xunta Rectora de la Fundación Municipal de Cultura del Ayuntamientu de Xixón; y Rafael Rodríguez Valdés, historiador y ganador de la primera edición del premiu.
BASES DEL PREMIU
Fin del plazu de presentación: Hasta'l día 31 d'Agostu de 2009.
Dotación: Concederáse un premiu de 4.000 € y la so publicación, al ensayu que pola unanimidá, o nel so defeutu pola mayoría de los votos del Xuráu, tenga los mayores méritos.
Observaciones: Esti premiu empobínase a aquelles obres d'ensayu, o trabayos d'investigación, nos que se recueyan los siguientes ámbitos: investigación sobre la cultura asturiana; investigación sobre la cultura rusa o eslava; la memoria social y colectiva de los pueblos rusu y asturianu; la memoria social y colectiva de Xixón.
Les Bases que rixen la convocatoria pueden recoyese nes oficines d'Atención al Ciudadanu y na sede de la Fundación Municipal de Cultura, Educación y Universidá Popular del Ayuntamientu de Gijón/Xixón, asitiada nel centru de Cultura Antiguu Institutu, cai Xovellanos númberu 21 de Gijón/Xixón, y na páxina web del Ayuntamientu de Gijón/Xixón.
La presentación de los trabayos pue facese en cualesquier de los rexistros del Ayuntamientu de Gijón/Xixón. Nel sobre ha figurar Premiu d'Ensayu "Fierro Botas" 2009. Conceyalía de Cooperación, Cultura Tradicional y Llingua Asturiana del Ayuntamientu de Gijón/Xixón.
Esbilla
del.icio.us
Nun hai comentarios »