L'ASTURIES LLIBERAL
Bitácora del Círculu Lliberal d'Asturies

El Conseyu de Guardianes iraní almitió que los votos recoyíos en 50 ciudaes superen el númberu de persones censaes con derechu a votu. El voceru del Conseyu, Abbas Ali Kadkhodaei, que faló pal canal 2 de la emisora IRIB, fizo estos comentarios en respuesta a la denuncia de Mohsen Rezaei, candidatu nes elecciones presidenciales del 12 de xunu.  "Les cifres proporcionaes por Mohsen Rezaei poles que denuncia que más del 100 por cien de los votantes metió la so papeleta en 170 ciudaes nun ye cierta, l'incidente pasó en sólo 50 ciudaes", almitió cínicamente Kadkhodaei. El voceru, de cualquier mou, dixo qu'anque'l recuentu del votu afectáu por estes irregularidaes ye superior a los trés millones de papeletes, "tovía nun se determinó si la cifra ye decisiva nos resultaos electorales", xustificando d'esta manera'l pucherazu, que nun ye otra cosa qu'un güelpe d'estáu electoral. Mentantu esto pasa n'Irán, los izquierdistes callen o dan-y sofitu al réxime islamista, como ye'l casu del caudillu antihispanu de Venezuela, l'ex militar golpista Hugo Chávez.