ESPAÑA ENTRA NEL PEQUEÑU GRUPU D'ESTAOS CON MISILES DE CRUCERU / L'Exércitu prueba en Sudáfrica los Taurus KEPD-350 / Pol so radiu d'acción, un misil disparáu dende España podría impactar más al sur de Rabat / Vídeu sobre'l Taurus KEPD 350
Los Taurus KEPF-35O (acrónimu n'inglés que significa Target Adaptive Unitary and Dispenser Robotic Ubiquity System / Kinetic Energy Penetrator and Destroyer) tienen un radiu d'acción de 500 quilómetros. Ye un misil de cruceru de llargu algame, desarrolláu pola empresa TAURUS Systems Gmbh y usáu poles fuerces armaes alemanes y españoles. Mui pocos estaos nel mundu poseen misiles de cruceru, y munchos menos n'Europa. L'Exércitu del Aire va facer de mou inminente les pruebes d'esti misil nun campu pruebes de Sudáfrica. España yá cuenta colos primeros Taurus, d'un total de 43 unidaes que s'entregarán ente 2008 y 2010, y ta realizando los trabayos pa integralos nos F-18. Después, procederáse a facer lo mesmo nos Eurofighter. Cola posesión d'esti arma, el Reinu d'España dótase d'un elementu disuasor de primer orde, pues tien capacidá pa llegar a oxetivos definíos con gran precisión, con sistemes electrónicos qu'estudien el tarrén onde s'afaya'l blancu que permiten la destrucción másima y amás pue refugar ataques d'otros misiles. Pol so radiu d'acción, un disparu de misil Taurus KEPF-350 pue acabar nun impactu más al sur de Rabat.
Característiques xenerales
- Motor: Turbomeca Microturbo TRI 60-30 turbojet, producing 5.4 kN thrust
-Pesu: 1400 Kg
-Llargura: 5,1 m
-Diámetru: 1,08 m
-Envergadura: 2,064 m
-Velocidá: 0.85 - 0.95 mach
-Algame: 500 km
-Carga esplosivo - 499 kg
-Sistema de guía - Sistema de navegación inercial (INS), IBN, TRN, o per aciu GPS.
- Plataforma de llanzamientu - Panavia Tornado, Eurofighter Typhoon, Saab Gripen, F/A-18
Tags: españa misil cruceru taurus+kepd350 f-18 eurofighter rabat
Esbilla | 
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
Nada nuevo embaxo'l sol. Arma de destrucción masiva en manes d'un estáu terrorista...
¿D'un estáu terrorista..? Chaval, ¿tu fumes algo raro?
Sí, ho. Llámalo asina Noam Chomsky nel so llibru "Estados Canallas" a los países como los EEXX, GB y "l'alianza" pa la invasión y espoliu del petróleu n'Afganistán y n'Iraq. Pero pa eso hai que lleer daqué más que "Por qué dejé de ser de izquierdas".
Ye lo que tien, España tien un exércitu qu'ocupa paises como'l Llíbano o Afganistán, asesinando a la población civil y a los que se ñeguen a siguir tando invadíos.
Amás, l'estáu español conoz tamién lo que ye diseñar grupos paramilitares p'asesinar a persones. Véase los GAL. Y pa finar, tien como xefe d'estáu a un personaxe puestu a deu por un dictador, dando-y continuidá al réxime terrorista de Francisco Franco.
Yo nun me fío de los exércitos nin de les sos armes. Y menos en manes d'estos carniceros.
A ver hom, dices que l'exércitu español asesinó a la población civil en Líbano y Afganistán. Nunca la oyí tan gorda. Retiro lo de fumar coses rares, lo tuyo ye tovía peor, YES UN FÍU DE LA LOGSE. ¿Pero cómo se pue ser asina d'indocumentáu?
Bono, lo del espoliu de petróleu n'Afganistán ye pa mandate a escuela otra vegada, pero yá mesmo. Hai más petróleu en Burgos que nel país de los 'afganos'. Llee un pocu, llee, por Dios.
Coño, pero si acaba salir na prensa los vidios de los militares españoles (bono, lo d'españoles, los probes, sedrá namás pola bandera) asesinando a puñaos que, por cierto, dicen "yo mato a tolo que se mueve" (seya del exércitu títere de los USA, de la resistencia afganí o población civil).
En cuantes a lo del petróleu: has echar una güeyada a http://www.oilwatch.org/doc/paises/afganistan/afganistan2001esp.pdf Pa tar educáu cola enciclopedia álvarez pensé que tendríes unes mínimes nociones en recursos enerxéticos (gas, petróleu, carbón) y les rellaciones xenétiques ente ellos. Amás de la esplotación del gas y el petróleu d'Afganistán, esti país ye xeoestratéxicu na conducción d'oleoductos y gasoductos d'especial interés na zona y qu'escapen al control d'otres naciones del entornu. Dende la invasión yankee col sofitu español de ZP yá se firmaron unes cuantes d'estes "autopistes" enerxétiques.
Sicasí, el C.LL. contentu con qu'esti estáu merque estes armes como esa. Yo nun taré tranquilu enxamás sabiendo quiénes son les "persones" que les custodien y qué gobiernu (seya ceyines o maricomplejines) los gobierna.
h.oder, pero qué fedor la peña proge.