L'ASTURIES LLIBERAL

A la fin los tiranos son los más gremiales del planeta. El militar golpista Hugo Chávez, actual presidente de la República 'Bolivariana' de Venezuela, después d'embarcase nuna cruzada racista contra los europeos, remata'l so facer con un sofitu total al xenocida presidente del estáu islámicu sudanés, Omar Al Bachir. El cada vegada más ridículu dirixente 'tardoindixenista' Hugo Chavez anunció, güei, qu'invitaba al tiranu sudanés a visitar Venezuela p'amosa-y el so apoyu frente a la decisión de la Corte Penal Internacional d'emitir una orde de detención contra él. "Yo hablé hoy con Al Bachir y le pregunté qué riesgos corre cuando viene por estos mundos. Le invité a Caracas pero le dije: 'ojalá no tengas ningún problema por allá", señaló'l cacique Chávez nuna intervención na II Cume ASPA (América del Sur-Países Árabes), que se fai en Doha. Chávez dixo que la decisión del CPI de pedir el prindamientu d'Al Bachir por crímenes de guerra y lesa humanidá en Darfur ye "un adefesio jurídico y un atropello político no sólo para Sudán, sino para todos los pueblos del tercer mundo". Per otra parte, Venezuela ye unu de los estaos firmantes del Estatutu de Roma, que llevó a la creación de la CPI, y que suscribió'l 14 d'ochobre de 1998.