MIENTRES MARRUECOS TRATA DE CONTROLAR IDEOLÓXICAMENTE A LOS MUSULMANES D'ESPAÑA ESPULSA A CINCO MISIONEROS EVANXELISTES POR 'PROSELITISMU' L'ASTURIES LLIBERAL

Nesto nun s'enfota la Zapateril Allianza de Civilizaciones. Mientres Marruecos trata de controlar ideolóxicamente al millón llargu de musulmanes que viven n'España, faciendo valer el fechu de que 700.000 d'estos son marroquinos, el so Gobiernu nun tien problema n'atacar a los cristianos. La última amuesa d'esi 'peculiar sentíu de la correspondencia' foi la espulsión del reinu Alauita de cinco misioneros evanxélicos, cuatro españoles y unu alemán, por facer proselitismu. Los cinco fueron obligaos a salir de Marruecos esti domingu pel puestu fronterizu de Tánxer, tres de ser deteníos y interrogaos esti sábadu por miembros de la Policía Xudicial de Casablanca cuando taben nun conceyu nel que participaben ciudadanos marroquinos. Según dixeron per aciu d'un comunicáu representantes del Ministeriu del Interior del réxime marroquín, los axentes incautaron numberosu material de "propaganda evanxélica, incluyíos llibros y cintes de vídeu n'árabe". Imaxínense ustedes qué diríen los mui 'tolerantes' dirixentes del estáu vecín, los musulmanes residentes n'España, y unos cuantos 'progres', si'l Gobiernu Español actuare d'igual forma contra'l 'proselitismu islámicu'.