El Círculu Lliberal d'Asturies ye un proyectu de calter asociativu asturianista, democráticu y transversal
Ayeri, frente a la carpa onde se cellebraba la inauguración de la Escuela del Automóvil, nel Polígono Olloniego-Tudela, manifestábense pacíficamente dellos docentes qu'imparten Formación Ocupacional pa reivindicar los sos puestos de trabayu. La inauguración contaba cola presencia del presidente socialista del Principáu, Vicente Álvarez Areces. Oportunamente requeríos, efectivos de la Guardia Civil tuvieron que pedir a los trabayadores l'abandonu de la so protesta. Pola mor de la negativa a ello, miembros del Intitutu Armáu esposaron a unu de los profesores que llevaron darréu al calabozu d'Anieves, onte tuvo deteníu hasta les tres de la tarde. Paez que'l señor Areces soporta cada vegada menos la crítica pacífica y democrática de los ciudadanos asturianos. Pasu ente pasu aumenta la so tendencia al usu de la intimidación y de midíes coercitives. Les males perspectives electorales de la gobernanza socialista, y el so declive personal, paez que tán esteriorizando los impulsos comunistes de mocedá del presidente.
Esbilla
del.icio.us
Nun hai comentarios »