El Círculu Lliberal d'Asturies ye un proyectu de calter asociativu asturianista, democráticu y transversal
L'Asociación de Xuristes pol Asturianu (AXA) apoyó la midida anunciada pol Ayuntamientu de Cangas del Narcea, aprobada pola izquierda non socialista y el centru derecha, de valorar el conocimientu del asturianu nes oposiciones municipales. AXA dexó bien afitao qu'esto ye dafechamente llegal, y pa ello recordó l'artículu cuartu de la Llei de Promoción y Usu del Asturianu, que nún de los sos puntos diz: "El Principáu d'Asturies va propiciar el conocimientu del bable/asturianu por tolos emplegaos públicos que desarrollen el so llabor n'Asturies; el conocimientu del bable/asturianu va poder ser valoráu nes oposiciones y concursos convocaos pol Principáu d'Asturies, cuando les característiques del puestu de trabayu y la naturaleza de les funciones que vayan a desarrollase lo requieran". Según el presidente de l'asociación, Xurde Blanco, si'l Principáu pue facer la valoración nuna oposición, nun entiende por qué nun va poder facer lo propio un Ayuntamientu. Tamién fizo recordanza de que l'artículu 10.4.b de la Carta de les Llingües Rexonales y Minoritaries, aprobada pol Conseyu d'Europa y roblada pol Gobiernu español durante'l mandatu del Partíu Popular, contempla la provisión de funcionariáu y personal llaboral que conoza la llingua propia del territoriu de l'Alministración pa la que van trabayar.
Esbilla
del.icio.us
http://www.europapress.es/asturianu/:
"La conseyera esplicó que la Llei d'Usu y Promoción establez tener en cuenta la conocencia del asturianu nes convocatoriaes de selección de les alministraciones públiques pa los puestos que tengan rellación precisamente cola promoción o espardimientu de la llingua asturiana pero non pal restu.
"Nun se pue xeneralizar esta midida contemplada na Llei d'Usu y Promoción del asturianu a toles convocatories porque la llei ye mui clara", acabó Migoya."
?????????????
Sabemos que nun pué ser, nun pué ser, ¿verdá que nun pué ser?, que nun tenga capacidá mental abondo pa nun saber que miente, entós cómo y paque diz estes coses?. Esta xente nun ye, nun pué ser normal.