L'ASTURIES LLIBERAL

La suceptibilidá señoritinga de los conocíos como "novos ricos", antiguamente socialistes, tamién llega a Asturies. Metanes el Plenu del Ayuntamientu de Tapia, el grupu municipal del PSOE fizo patente la so protesta porque nuna inauguración oficial, dientro del conceyu, el presidente Vicente Alberto Álvarez Areces solo pudo comer pinchos fríos, a saber, tortiella, empanada, pitu frito y aceitunes y amás, según percalcó escandalizáu'l voceru 'progresista', too con palillos. Otru motivu quexa ye que, cuando yá colare'l presidente socialista, apaecieron los pinchos calientes polos que se naguaba, sobre manera los de bonito. Ye reconfortante ver cómo la xente del PSOE asturianu s'esmuelga polos asuntos qu'en verdá interesen a los ciudadanos, ente los que s'afaya nun puestu cimeru, claro ta, la calidá de les fartures del so xefe na gobernanza autonómica.