L'ASTURIES LLIBERAL

La esposición "Planos d'Auschwitz", que s'abre na capital alemana, presenta 28 planos orixinales del mayor campu de concentración y esterminiu fechu polos nazis, el d'Auschwitz-Birkenau. Los planos descubriéronse'l pasáu mes de payares y nunca antes s'amosaren nel país.

Na Esposición "Pläne von Auschwitz - Dokumente des systematisch organisierten Völkermordes", que presenta'l diariu Bild, pue adicase una amplia planimetría de les obres de construcción que ficieron los Exércitos de les SS nel entamu los años 40 del sieglu XX y que, per primera vegada, confirmen el sistemáticu métodu qu'usaron los nacionalsocialistes pa esterminar a los xudíos.

Sobre papel y a gran escala (1:100), los documentos caltienen dende una gran edificiu destináu a centru d'encarcelamientu, hasta un xigantescu crematoriu, cola sala vestuariu y la enorme cámara de gas, dibuxada d'un mou peresplícitu, qu'inclusu pon les midíes (alrodiu 11,66 metros). Los planos, que daten del 8 de payares de 1941, son los mesmos que dibuxare'l soldáu númberu 127 d'Auschwitz.

L'amuesa tará 15 díes en Berlin y después va treslledase a otros llugares d'Alemaña y a lo último, el so conteníu va cedese a una institución histórica, col envís de que los espertos puean continuar el so estudiu.