L'ASTURIES LLIBERAL

La Comisión de Cultura del Ayuntamientu d'Uviéu refugó, polo mor del posicionamientu del Partíu Popular, una moción presentada pola formación comunista Asciz, que cola disculpa de condergar lo que definen maniqueamente como "la masacre  que el Gobierno israelí está ejecutando sobre el pueblo palestino en la Franja de Gaza" daba un apoyu implícitu a la gobernanza integrista de Hamas. El conceyal de Cultura, José Suárez Arias Cachero, recordó que Hamas ye un grupu fundamenalista, y que si nel PP se comparte l'esmuelgu poles víctimes civiles del enfrentamientu, l'Ayuntamientu nun ye l'ámbitu pa tratar estra triba de "iniciatives". Sánchez Ramos, por Asciz, y Paloma Sainz, pol PSOE, criticaron la posición popular con argumentaciones demagóxiques y propies d'una izquierda revolucionaria. La portavoz socialista afirmó que'l so grupu va presentar otra moción nel mesmu sentíu, pero por embargu nun faló nin un res de los miles d'españoles qu'acaben nel paru cada día, n'Asturies y nel restu d'España, gracies a la incapacidá de los respectivos gobiernos socialistes. Ye evidente que si falamos de moción d'apoyu al fundamentalismu en Palestina nun se fala de la recesión económica n'Asturies.

Esbilla | del.icio.us