El Círculu Lliberal d'Asturies ye un proyectu de calter asociativu asturianista, democráticu y transversal
L'Observatoriu de la Política Llingüística formárase en xineru de 2005, oficialmente como grupu asesor de la Oficina de Política Llingüística del Principáu, pero na práctiva yera un grupu d'apoyu al gobiernu de coalición d'aquel entós. Esti Observatoriu nun tenía vinculación orgánica cola Conseyería de Cultura, siendo la so creación y funcionamientu dalgo bien poco tresparente. Presentáu como un "grupu de persones independiente, críticu y constructivu, con representatividá nel mundu de la cultura y políticu d'Asturies", en realidá yera un piñu de ciudadanos venceyáu na so totalidá a la izquierda, y destináu a aplaudir el facer del equipu gubernamental. El casu ye que finada l'anterior llexislatura, y ensin actividá conocida dende fai años, sigue allugáu na páxina web de la Oficina de Política Llingüística un enllaz a esti ente, ayenu totalmente al organigrama de la dirección xeneral responsable de la normalización del asturianu na nuestra comunidá.
PERSONES QUE FORMABEN L'OBSERVATORIU
- Francisco Álvarez, escritor y periodista
- Ramón Lluis Bande, escritor y director de cine
- Xuan Bello, escritor y miembru de l'Academia de la Llingua Asturiana
- Adolfo Camilo Díaz, xestor cultural y miembru de l'Academia de la Llingua Asturiana
- Xandru Fernández, escritor y profesor
- Manuel Fernández de la Cera, presidente del Conseyu de Comunidaes Asturianes y ex-conseyeru de Cultura del Principáu
- Cesáreo García, filólogu y ex-responsable de la Oficina de Normalización Llingüística del Conceyu d'Avilés
- Ismael González Arias, escritor y director de la Casa de Cultura de Mieres
- Vanessa Gutiérrez, escritora
- Francisco J. Llera Ramo, catedráticu de Ciencia Política y miembru de l'Academia de la Llingua Asturiana
- Taresa Lorences, escritora
- Pedro Alberto Marcos, director de Televisión Española n'Asturies
- Noemí Martín, diputada d'Izquierda Xunida
- Gonzalo Olmos, conceyal del PSOE nel Ayuntamientu d'Uviéu
- José Manuel Pérez Fernández, profesor de Derechu Alministrativu na Universidá d'Uviéu
- Berta Piñán, escritora
- José Uría Ríos, profesor
- Ignasi Vila Mendiburu, miembru del Comité Internacional pa la Salvaguarda de los Drechos Llingüísticos d'Asturies.
Esbilla
del.icio.us
Norabuena a L'Asturies Lliberal por ser tan valiente, cosa tan poco frecuente nel asturianismu, y por dicir les verdaes, anque a veces la verdá manca.
¡Vaya panda los de la semeya! Pa pasar de llargu