L'ASTURIES LLIBERAL

Fonte ASTURIES XXI. La derecha llogró ayeri una victoria histórica nes elecciones municipales, llogrando'l control de los principales conceyos del país, no que ye un perduru revés pal Gobiernu de Michelle Bachelet con vistes a los comicios presidenciales y llexislativos del añu prósimu. Sebastian Piñera, el gran triunfador de la xornada, afirmó que 'la xente pronuncióse por un cambiu'. El Gobiernu presidíu pola socialista Bachelet perdió les emblemátiques comunes capitales de Santiago, Concepción, Viña del Mar, Temuco, Rancagua, Iquique, Copiapó, Talca, Punta Arenas y Valparaíso. Nelles vive la mayoría de los habitantes del país. Les elecciones marcaron l'afitamientu de los partíos del centruderecha como les formaciones polítiques más sólides y grandes del país. Renovación Nacional (RN) y la Unión Demócrata Independiente (UDI) tuvieron un 40,24% de los sufraxos n'alcaldes, mientres l'oficialismu de la Concertación Progresista y la Concertación Democrática llograron un 38,46%.