L'ASTURIES LLIBERAL

La información que sobre la 'execución islámica' dan los testigos ye terrible. Un guardia disparó cuando un familiar corrió pa escontra la muyer, dixeron. "Traxeron a una muyer con un velu verde y una mázcara negra y esperamos pa ver el despiadáu actu de la lapidación", comentó un residente local, Abdullahi Aden. "Dixéronnos qu'ella accedió a ser castigada, pero aún así pudimos escuchala gritar mientres l'amarraben a la fuerza peles piernes y manos". Los islamistes implanten la so bárbara llei nes zones del país que controlen, alministrando una peculiar xusticia y prohibiendo, ente más coses, l'ociu, al que consideren antiislámicu. Familiares de la muyer asesinada dixeron que foi tratada inxustamente. "La lapidación foi totalmente irrelixosa e ilóxica", dixo la hermana, qu'aseguró que "l'islam nun executa a una muyer por adulteriu ensin que concurran cuatro testigos y l'home col que tuvo relaciones s'identifique públicamente". Los islamistes responsables de la execución dixeron que la muyer quebrantara la llei islámica. Mentantu, el Gobiernu de Somalia, que cuenta col sofitu militar de la mayoritariamente cristiana Etiopía, llibra una llarga guerra contra les bandes islámiques qu'asuelen periódicamente'l país.

Esbilla | del.icio.us