L'ASTURIES LLIBERAL

El parqué madrilanu desplomóse demientres la sesión de güei, al pesllar con una cayida del 8,16% y asitiase na cota de los 8.995,3 puntos, ante'l mieu de que la crisis puea estendese a Llatinoamérica y afeutar a les compañíes y entidaes españoles, dempués de que'l Gobiernu arxentín anunciare la nacionalización del so sistema de pensiones. L'Ibex 35 abrió la sesión en negativu, dempués de que Wall Street y el Nikkei pesllaren ayeri con baxaes, pero a lo llargo de la sesión pronunció'l so descensu arrastráu polos principales valores del selectivu, como Repsol YPF, Telefónica y los bancos, sociedaes que tienen una gran presencia n'Arxentina.  Los espertos consultaos por Europa Press calquen en destacar que'l parqué madrilanu baxó güei más que los europeos pola so esposición a Llatinoamérica, anque reconocieron que'l mercáu nun acaba de recuperar la confianza, lo qu'esplica tamién les cayíes n'Europa, inferiores al Ibex.