L'ASTURIES LLIBERAL

O PP estuda accións legais contra o ex fiscal de Lugo polo "dano" que causou o caso das axudas de custo na Deputación

EP. O presidente do PP de Lugo, José Manuel Barreiro, anunciou que os servizos xurídicos de este partido estudarán a posibilidade de emprender accións legais contra o anterior fiscal de Lugo, Jesús Izaguirre, polo "dano" que a apertura do caso por un suposto cobramento ilegal de axudas de custo causou aos vicepresidentes e a outros funcionarios da Deputación durante a etapa de Goberno do popular Francisco Cacharro, causa que quedou arquivada a semana pasada pola Audiencia Provincial.

   Esta decisión confirma, ao seu xuízo, que a apertura deste proceso foi "un malo engano político" que obtivo o "respaldo" do ex fiscal e deu por probada a "persecución política" que sufriu o PP de parte de Izaguirre, quen, á súa vez, impulsou a 'Operación Muralla' en maio de 2006 para tratar de esclarecer se existiron irregularidades nalgúns expedientes de adxudicación de direccións de obra da Deputación.

   Barreiro equiparou o arquivo da causa polo suposto cobramento de axudas de custo ilegais a outras nas que a Fiscalía actuou contra cargos do PP, como por exemplo os alcales de Taboada e Carballedo, que, segundo subliñou, quedaron absolvidos. Posto que as investigacións "quedaron en nada", enmarcou estes procesos nunha "actuación encamiñada a prexudicar a unha formación política".

   Ademais, o presidente provincial do PP aproveitou a súa comparecencia para comparar o que custa o actual Goberno provincial --que conforman en coalición PSdeG e BNG-- co que dirixiu Francisco Cacharro durante 24 anos.

   Ao respecto, recordou que na época do PP había catro dedicacións exclusivas na Deputación e a retribución dos altos cargos supuxo algo máis de 158.000 euros nos presupostos de 2007. Mentres, detallou que no actual exercicio se reservou unha partida de máis de 758.000 euros para pagar as once dedicacións exclusivas, oito do PSOE e tres para o BNG.

circululliberal @ 22:47

Esbilla | del.icio.us