L'ASTURIES LLIBERAL
Bitácora del Círculu Lliberal d'Asturies

 Les autoridaes de Camerún detuvieron a dos axentes de la Policía pol  secuestru del refuxáu políticu guineuecuatorianu Cipriano Nguema Mbá, sobrín del presidente Teodoro Obiang Nguema que quedó deteníu illegalmente'l pasáu 8 d'ochobre na capital camerunesa y supuestamente treslladáu al día siguiente a Malabo. Los dos axentes tán acusaos de detener illegalmente al refuxáu "en complicidá con un serviciu d'Intelixencia estranxeru", según informó'l Gobiernu de Camerún nun comunicáu, citáu pola BBC. Fontes oficiales cameruneses aseguraron que l'antiguu militar ecuatoguineanu se rexistrare na oficina del Altu Comisionáu pa los Refuxaos de Naciones Uníes (ACNUR) dempués de fuxir del so país nel 2003.

Cipriano Nguema Mbá ye un antiguu teniente coronel de les Fuerces Armaes que llegó a integrar el tribunal militar que xulgó y condenó a graves penes nel 2002 al cabezaleru de FDR, Felipe Ondó Obiang, y a tola direición d'esta formación illegal pola so supuesta participación nun intentu de golpe d'Estáu. El xuiciu de "farsa" por observadores internacionales y organizaciones de Derechos Humanos. En payares del 2003, Nguema Mbá fugóse del país con sobre 300 millones de francos CFA (casi 460.000 millones d'euros), que diben pa la paga de navidá de les bases militares de Río Muni. Dende l'exiliu, según fontes de la oposición, dedicóse a conspirar escontra'l so tíu pa quitalu del poder.