L'ASTURIES LLIBERAL
Bitácora del Círculu Lliberal d'Asturies

'Rusia caltién el papel de principal mediador na igua del conflictu en Transnistria y podría vese obligada a salir en defensa de los sos ciudadanos, residentes nesta rexón, como prometiera facer en casu necesidá'l presidente rusu Dimitri Medvédev. Dellos partíos estremistes cellebren dende'l pasáu domingu mítines antirusos en Moldavia. Yá se produxeren choques ente nacionalistes moldavos, orientaos p'hacia Rumanía, y representantes de la comunidá rusufalante del páis. Too indica que los estremistes en Moldavia tan tentaos pol métodu qu'ensayó n'Osetia del Sur el presidente xeorxianu Mijaíl Saakashvili; provocar a Rusia pa qu'emplega la fuercia'. Esta información publicada en Nezavisimaya Gazeta lleva a pensar que se ta caldiando l'ambiente con vistes a un escenariu, nada imposible, onde Rusia intervenga contundentemente como nel casu osetiu, casu que tuvo como coartada'l frañimientu de la llegalidá internacional que supunxo la irregular reconocencia, por unos cuantos estaos, de la independencia de Kosovo.