L'ASTURIES LLIBERAL

Una delegación formada por representantes de delles instituciones y organizaciones españoles participará los prósimos díes 7 y 8 d'ochobre nos alderiques de la Comisión de Política Especial y de Descolonización de Naciones Uníes, onde se tratará la cuestión del Sáhara Occidental. La participación española quier defender el derechu al autodetermín del pueblu saharaui y denunciar l'estancamientu del plan de paz, pola mor de les torgues de Marruecos nel so desarrollu. La delegación tamién quier denunciar al Gobiernu de Marruecos pola represión qu'exerce contra la población saharaui nel Sahara Occidental y pol tratu dau a los presos políticos y activistes saharauis, que sufren tou tipu de tortures y humillaciones. La delegación fórmenla representantes de, ente más otres instituciones, la Coordinadora Estatal d'Asociaciones de Solidaridá col Sahara, l'Institutu Hegoa y l'Asociación Internacional de Xuristes pol Sahara Occidental.