L'ASTURIES LLIBERAL
Bitácora del Círculu Lliberal d'Asturies

Fonte Web del PP de Xixón.

El conceyal del Grupu Municipal Popular del Ayuntamientu de Xixón, Manuel Pecharromán, percalcó güei en rueda prensa qu'al so partíu denegóse-y un segundu accesu al espediente de contratación de Nofer, la empresa d'Emilio Noval y adxudicataria del estudiu de la reserva hídrica de la fastera rural xixonesa. Manuel Pecharromán, en nome del so grupu municipal, retó al PSOE "a que lu presente ante la lluz pública". L'edil dexó claro que la empresa 1bs, tamién incluyida nel espediente de contratación y qu'ayeri s'anunció que pertenecía a Ángela Herrero Arnaldo, miembru de la Comisión Executiva de los socialistes xixoneses, presentóse "pa cumplimentar dalgo l'espediente" col claru oxetivu de nun su poder facer cola adxudicación, a favor de la empresa del ex edil Emilio Noval. Pecharromán reiteró que "nun ye lóxico" qu'una empresa especializada en fotografía se presente a un proyectu d'estes característiques, polo que señaló que "ye evidente l'interés del PSOE por pagar los servicios prestaos a Emilio Noval". En cuantes a 1bs, entregóse na rueda prensa a los medios una "trescripción lliteral del espediente" na parte onde apaecía la so propuesta. El conceyal popular apuntó que ye raro que como persona de referencia figure Juan Carlos Rodríguez, un xeólogu con esperiencia llaboral según el xerente de la EMA, masque na documentación nun apez nin la so formación nin la so esperiencia, nin inclusu'l so segundu apellíu o el DNI. Amás, Manuel Pecharromán destacó que tampoco la empresa indica'l so CIF y qu'ésta nin tan siquier apaez na Oficina Española de Patentes y Marcas nin tampoco nel rexistru.