Xuan Xosé Sánchez Vicente recibió'l premiu Timón pola so trayectoria lliteraria
D'esquierda a derecha, Xuan Xosé Sánchez Vicente, Humberto Gonzali, Jesús Castañón y Pilar Fernández Pardo.
El sábadu pasáu entregóse a Xuan Xosé Sánchez Vicente'l Premiu Timón, en reconocencia al valir de la so trayectoria lliteraria. L'actu d'entrega cellebróse nel salón d'actos del Centru Cultura Antiguu Institutu de Xixón, dientro de la Arribada 2008. El gallardón consiste nuna pintura cerámica del escultor xixonés Jesús Castañón, que-y entregó al escritor la diputada nacional Pilar Fernández Pardo. El xuráu que concedió la distinción taba formáu por David M. Rivas, Roberto Colunga, Milio Rodríguez Cueto, Humberto Gonzali, Aurora García Rivas, Xosé Nel Riesgo, María Teresa González Cobos y Illán Gonzali.
Esbilla
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
