L'ASTURIES LLIBERAL

EP. El Fondu pa la Protección de los Animales Selvaxes (Fapas) manifestó que la colocación de trampes "podría tar rellacionada col descontentu qu'hai ente los apicultores polos daños causaos polos osos". El Fapas alvirtió amás, per aciu d'un comunicáu, que la Xunta de Castiella y Llión tarda de dos a tres años en pagar los daños que los osos causen a les intstalaciones apícoles de la rexón, mientres que n'otres Comunidaes Autónomes como la d'Asturies, va más de venti años que los daños que causen los osos a los intereses humanos tan pagos en tiempos "percurtios". "En Castiella y Llión, los trámites pa pagar los daños que causen los osos retrásense hasta tres años por mor de la xestión burocrática qu'aplica l'alministración autonómica", añadieron. El Fondu pa la Protección de los Animales Selvaxes esplicó que l'aumentu "espectacular" de los daños que tan causando los osos a les instalaciones apícoles en tol cordal, depués de l'aplicación del Reglamentu Européu qu'obliga a la retirada de calabres d'animales domésticos del mediu natural, "ta creando un fondu malestar ente los apicultores de les zones oseres de Castiella y Llión".  Al contrariu de lo que pasa nel Principáu d'Asturies, y magar que los daños de los osos nos caxellos tamién xorrecieron nos últimos años más d'un 1.000 por cientu, en Castiella y Llión "ye cada vegada más patente ente los apicultores

Esbilla | del.icio.us