L'ASTURIES LLIBERAL
Bitácora del Círculu Lliberal d'Asturies

EFE. El conceyal del PP xixonés Francisco Cubiella acusó al PSOE de "tar tres de la trama" de les grabaciones de converses de dirixentes del partíu difundíes pol ex militante venceyáu a la derecha estrema Emilio Noval. L'edil presentó nuna rueda de prensa un panel con semeyes nes que se ve a Noval aparcando'l so coche nuna plaza reservada p'autoridaes del consistoriu y a Luis de Prado d'Almeida conversando con políticos socialistes na plaza toros. Cubiella pregunta polos motivos pa que Noval aparque nun llugar reserváu p'autoridaes ensin ser miembru de la Corporación y por qué De Prado "departe amigablemente con Sariego" y otros miembros del PSOE. La semeya tomóse na plaza toros nuna de les corríes de Begoña, na que De Prado foi'l médicu asignáu al serviciu sanitariu del cosu xixonés. Según Cubiella, nun tendía nada que facer cabo'l burladeru de les autoridaes municipales, porque "el so sitiu taba na fastera de la enfermería", al lláu de la puerta allugada sol palcu presidencial. Cubiella tamién dixo que l'alcaldesa, Paz Fernández Felgueroso, "marchó de vacaciones ensin responder a les pergraves acusaciones" del PP contra Sariego.