L'ASTURIES LLIBERAL

La diputada y presidente del Partíu Popular de Xixón, Pilar Fernández Pardo, cree que la dirección rexonal del partíu precisa d'una anovación, masque nun se pronuncia sobre la posibilidá de lliderar una candidatura alternativa al actual presidente, Ovidio Sánchez, según les declaraciones feches ayeri metanes una visita xunto col grupu municipal a la Feria de Muestres xixonesa. Fernández Pardo estimó que "ta claro que'l PP d'Asturies necesita cambios, y nun toi falando por mi". Pa la diputada nel Congresu de los Diputaos, les candidatures pa la dirección del partíu sabránse "más alantre, cuando s'abra'l procesu congresual". Fernández Pardo tamién dixo que "el grupu municipal popular defiende que, a nivel autonómicu, haya cambios qu'illusionen al ciudadanu pa que l'allegría, l'entusiasmu y el respaldu sían mayores", y sorrayó que nagua por que "el nuevu presidente o presidenta esperanzará a los ciudadanos pa que ganemos les prosimes elecciones".

Esbilla | del.icio.us