L'ASTURIES LLIBERAL
Bitácora del Círculu Lliberal d'Asturies

La presidenta del Partíu Popular de Xixón, Pilar Fernández Pardo, aseguró güei que "les persones implicaes nes grabaciones tomaron yá les medíes llegales pertinentes". Ayeri, l'ex militante popular Emilio Noval, venceyáu al grupu de derecha estrema que perdió de manera contundente l'últimu congresu local, filtrare unes grabaciones feches illegalmente nun aconceyamientu internu, onde los conceyales Luis Crego, Eduardo Junquera y Pedro Muñiz facíen delles manifestaciones, que correspondíen a pequeños cachos de les sos intervenciones y arteramente sacaos del so contestu. Emilio Noval, xunto a un mínimu grupu de representantes de la derecha clasista y provinciana del conceyu, lleva tiempu emperráu nuna campaña d'ataques a la presidente local del partíu, al tiempu que coinciden de mou reiteráu col gobiernu municipal de la izquierda. Nun ye casualidá qu'estes "oportunes grabaciones" fueren asoleyaes el mesmu día del Plenu onde se trataría l'estáu del conceyu.