El Círculu Lliberal d'Asturies ye un proyectu de calter asociativu asturianista, democráticu y transversal
Dende la espublización del llamentable informe encargáu pol señor Areces al Conseyu Consultivu, col qu’entama’l procesu de reforma del Estatutu d’Autonomía, l’Aconceyamientu de Xuristes pol Asturianu vien razonando, una y otra vuelta, dende toles perspeutives posibles y ensin la oposición de naide que sepa del asuntu (mazcayaes d’atrevíos sentímosles tolos díes), que l’artículu 3.2 de la Constitución (“Les demás llingües españoles sedrán tamién oficiales nes respeutives Comunidaes Autónomes alcordies colos sos Estatutos”) instaura la cooficialidá de toles llingües españoles y delega nos Estatutos d’Autonomía, esclusivamente, l’establecimientu del modelu de cooficialidá.
Pal que-y queden duldes al respeutu reproduzse darréu’l criteriu de les Cortes Españoles, espresáu nel Entamu d’una Llei, la 12/2005, pela que se modifica l’artículu 23 del Rexistru Civil:
“El Tribunal Constitucional ha declarado que el artículo 3 de la Constitución supone una habilitación de las Comunidades Autónomas con lengua propia para que, en el marco establecido en sus Estatutos de Autonomía, puedan regular el alcance del concepto de oficialidad (STC 82/1986, de 26 de junio, y 56/1990, de 29 de marzo), lo cual supone establecer el contenido básico de dicha oficialidad (STC 337/1994, de 23 de diciembre) y, además, determinar las medidas que sean precisas para el fomento o la normalización de su lengua propia (STC 74/1989, de 24 de abril, y 337/1994, de 23 de diciembre)”.
Como cualquiera pue apreciar nuna llectura llibre de prexuicios, les Cortes, invocando al Tribunal Constitucional, afiten qu’a los Estatutos d’Autonomía autorízalos la Constitución a regular l’algame de la cooficialidá, lo que quier dicir que la so declaración o reconocencia yá ta fecha n’otru sitiu. ¿Ónde?. Xustamente na mesma Constitución y pente medies de la fras primera del so artículu 3.2 (“Les demás llingües españoles sedrán tamién oficiales nes respeutives Comunidaes Autónomes”) .
Pero l’establecimientu nel Estatutu del algame y conteníu básicu de la cooficialidá de les llingües, al empar de les midíes pal so fomentu y normalización, ye, arriendes d’un drechu, un deber pa los sos redautores porque’l nun facelo, na prautica, camuda en papel moyao la reconocencia constitucional de cooficialidá.
Por embargu, los representantes del PSOE y del PP na ponencia pa la reforma del Estatutu d’Autonomía d’Asturies nun solo se ñeguen a cumplir col mandáu constitucional sinón que anduvieron xurgando pela hestoria más llaceriosa del drechu español fasta atopar dos Decretos franquistes –el 1433 y el 2929, entrambos los dos del añu 1975- que, amestaos, dieron pa un testu, el proyeutu d’artículu 4 del Estatutu, perafayadizu pa desaniciar dafechu, nunos años, la presencia de la llingua asturiana del país onde ñació.
Poro, no que cinca a la llingua, eso ye lo que’l PSOE y el PP ufren a la sociedá asturiana del sieglu XXI: un desacatu constitucional de nidia inspiración franquista.
Esbilla
del.icio.us
El problema ye que, como demuestra X. X. Sánchez Vicente nun artículu de La Nueva España d'ayeri, l'artículu diseñáu pol equipu de Lastra-FSA qu'aceutó'l Partíu Popular ye un namái qu'un trucu pa desaniciar la consideración del asturianu como "llingua" y afitala como "variedaes llingüístiques" dende'l puntu de vista constitucional y llegal. Xuristes pol Asturianu tien d'estudiar esti tema y denuncialu.
Pégovos un cachu del artículu::
"A primera vista, pues, parecería que estamos únicamente ante un trampantojo para engañar incautos o ignorantes, pero la cuestión es más grave. Efectivamente, el sintagma «patrimonio lingüístico» y la palabra «respeto» no caen de los cielos, provienen directamente del artículo 3 de la Constitución, que en el 3.1. confirma el castellano como lengua oficial del Estado, en el 3.2. la oficialidad de las demás lenguas españolas en sus comunidades autónomas, de acuerdo con sus estatutos, y en el 3.3. dice: «La riqueza de las distintas modalidades lingüísticas de España es un patrimonio cultural que será objeto de especial respeto y protección.».
Sobre lo que significa este apartado existen dos interpretaciones. Una, absolutamente minoritaria -únicamente la he oído en Cataluña-, sostiene que el texto es meramente redundante con el 3.2. La mayoritaria, y desde luego unánime en Asturies y entre los desafectos con el asturiano, realiza una interpretación sistemática del artículo tercero y, entiende, por ello, que el 3.3. está para atender la tutela de lo que no son ni el castellano ni las demás lenguas. De ese modo, la expresión de «patrimonio lingüístico» vendría a ofrecer una especie de amparo para aquello que no son lenguas, sino otra cosa: dialectos, jergas, «patois», etcétera (de ahí la insistencia del nuevo texto estatutario en las variantes locales). "