El PP (asturianu) y la llingua: moción del PP llavianés pidiendo una Oficina Municipal de Normalización Social de la Llingua L'ASTURIES LLIBERAL

Moción del grupu municipal del Partíu Popular al Alcalde Presidente del conceyu de Llaviana

14-08-07
Los/es conceyales del Grupu Municipal Popular acordies colo afitao nel artículu 97 del Reglamentu d'Organización, Funcionamiento y Réximen Xurídicu de les entidaes locales, planteguen pa la so discusión, y nel so casu, aprobación nel Plenu Ordinariu a facer el próximu día 27 de setiembre de 2007, la Moción que vien darréu:
ESPOSICIÓN DE MOTIVOS
El Conceyu de Llaviana siempre amosó una fonda reconocencia y apreciu hacia la Llingua d'Asturies.
De fechu, nel so momento, foi ún de los conceyos que, nel ambitu de les sos competencies declaró la oficialidá del Asturianu dientro de los llendes del Conceyu.
La Llingua Asturiana ye una forma d'expresión viva y aprecida polos ciudadanos y ciudadanes d'esti conceyu, que se reflexa nos porcentaxes d'escolarización, asina como nel usu cotidianu nes actividaes institucionales y comunes.
La Llei d'Usu del Asturiano de 1998 afita nel so articuláu'l drechu de los/es ciudadanos/es al emplegu del Asturiano, y reconoz explícitamente la so validez xurídica nes rellaciones de los/es asturianos/es colos muérganos del Principáu d'Asturies.
Darréu de tolo anterior, el Grupu Municipal Popular plantega la Plenu del Conceyu la necesidá de la creación d'una Oficina Municipal de Normalización Social de la Llingua Asturiana, que tenga ente los sos finxos la Dignificación y Promoción del Asturiano a nivel institucional y en beneficiu de tolos ciudadanos y ciudadanes de Llaviana.
Poro, SOLICITA que'l Plenu del Conceyu s'apaute dirixise a la Conseyería de Cultura del Gobiernu del Principáu d'Asturies col envís de que faiga lo posible pa qu'isti proyeutu seya una realidá vidable nel más curtiu espaciu de tiempu.