EL COMERCIO. Gustavo Alonso Suco.
Lo primero de too ye condenar los fechos antidemocráticos que'l profesor Fernández de Castro tuvo qu'aguantar pola so postura pa cola llingua asturiana na Faculta de Filoloxía. Estos ataques son daqué cosa que nun podemos tolerar na nuesa sociedá. Dicho esto, y ensin entrar a facer valoraciones poles causes que-y llevaron a enlamar la nómada votación qu'arrequexa un poquiñín mas a la llingua, lo que a mi nun m'abultaba posible ye la baxeza moral y lo retorcíu que pue ser esti señor al intentar enternecer defensa de la llingua y lo que pasa n'Euskadi cola violencia.
Lo peor de too esto ye qu'él sabe que esto nun ye asina, pero quier asoleyalo d'esta manera pa torgar una vuelta mas la situación de la nuesa llingua, quier intentar que na sociedá caltrie la idea que defensa del asturianu ye lo mesmo que nacionalismu violentu. Poro, la credibilidá d'esti señor ye mínima o nenguna por un motivu principalmente: Intenta convencer de la so idea, diciendo mentires, diciendo que'l que nun piensa como él ye un radical antidemocráticu y violentu; cuando los que defendemos el derechu a vivir n'asturianu tamos dando exemplu diariu de democracia y civismu, viendo como día tres día la llingua qu'usamos ta siendo torgada ente la complicidá de munchos.
Esbilla
del.icio.us
Nun hai comentarios »