Humberto Gonzali
Y ye que la dulda nun fai más qu'apertame'l maxín. Hasta va bien poco, unes hores como quien diz, yo suponía que cuando falaba n'asturianu taba comunicándome colos demás. Inclusu pueo decite compañeru que nun soi mui de monólogos, que tovía nun me da por falar solu. Pa enriba, cuando falaba nun componente del "patrimonio lingüístico" con otres persones, éstes teníen el vezu de contestame nel mesmu componente del mesmu patrimoniu. Y yo, bobu de min, hasta va bien poco pensaba que me comunicaba con otros y qu'estos otros tamién se comunicaben comigo. Vamos, un insignificante asuntu d'unos cientos de miles d'asturianos y asturianes que pensaben que taben comunicándose, mira per onde, compañeru, y amás n'asturianu o como tu dices agora en "patrimonio lingüístico". Pero non, gracies a la to docta sentencia sé yo, y saben tamién esos probes cientos de miles, que cuando falamos n'asturianu o en "patrimonio lingüístico" nun nos comunicamos, por que cuando falamos eso nun tamos emplegando "una lengua que sirva para comunicarse". En conclusión, compañeru, que rebuznamos como pollinos, y la verdá tengo de reconocete que como pollín toi sintiéndome esta selmana. De toes formes nun t'esmolezas, qu'esto pasará bien aína y a lo más nun aguantará más p'allá de la seronda. Ah, y lo de compañeru yá sé que suena a, como diba decítelo, sí, a socialista, pero nun me lo tomes en cuenta, ye qu'esta selmana de sentite tanto falar neto qu'un socialista cuasi m'escaezo d'onde toi. ¿Porque a ti eso nun te pasa, verdá compañeru?. Tu sí sabes onde tas.
Esbilla
del.icio.us
Bravo por dar la cara, dicir les coses pol so nome y por nun aguantar un despreciu asina venga d'au venga. Tamos con vusté, Gonzali. Hai que defender lo que ye de xusticia y honor siempre y HASTA'L FINAL.
Eso si, l'enfadu de güei nun se mos va escaecer, esti cuspíu na cara van tener dar bona cuenta d'él.
Y nun solo d'ello, sinón tamién de la responsabilidá d'esti vergoñosu espectáculu de combayamientu xeneral col socialismu que ta protagonizando ciertu corripiu y que ta mancando abondo el futuru del votu centro-derecha.
Bono, ¿entós el partíu esi nueva de centru derecha pa cuando?
Soy de padre votante socialista. Y de madre votante del PP. Ambos se sienten asturianos y españoles. Los dos seguirán votando a sus partidos, pero son conscientes de que en el tema de la lengua, éstos se equivocan. Cuando éramos pequeños, siempre intentaron que recibiésemos clases de llingua asturiana. O por una cosa o por la otra, siempre daban largas "no se ha formado grupo", "no hay profesor", "el año pasado no estuvo matriculado en ella.." cada año una excusa. Entiendo el asturiano PERO NUNCA HE PODIDO APRENDERLO!!!!! ¿Qué se está haciendo? Veo que la lengua asturiana es un Patrimonio. Pues claro. Pero eso no basta. Si tú declaras un parque natural Patrimonio, pero ni pones guardas, ni cuidas los incendios, ni conciencias a la gente y dejas que todo el mundo suba en 4x4 y haga barbacoas, tendrás en 7 días un basurero olvidado. Tiene que tener una ley firme que lo proteja, y no "buenas intenciones".
Presonalmente pueo tar más o menos d'alcuerdu o nada d'alcuerde con munches de les coses que diz Humberto, pero la verdá que ye un paisano. Espero que sigáis dando la cara...
nun doi creitu, en xixon van por un llau n'asturies van por otru, q coño pasa nesti pais. aqui to dios pue salir con la bandera y toos somo perasturianos, falamos de asturianos pa'qui y pa llá, pero cuando sal el tema la llingüa, el culo fa-yos flofló. Humberto fíu, yes el unicu seriu nun partiu de risa. falen col cao, con caveda nava, y con to dios y cuando hai q poner el güevu, apunténse a la FSA. En fin una vergoña, de los sociatas por un llau y de los populares q representen a la mitá de los asturianos, al restu como a ti y como a mi q nos den. A+ voy glayalo, soi asturianu y soi español, q coño me tan contando!!!