Ovidio Sánchez pauta colos xacobinos
Ovidio Sánchez dixo güei que comparte la propuesta presentada polos socialistes y pretende dar asina por zarrada la polémica sobre la oficialidá. El testu estatutariu recoyería l'asturianu y el gallegu-asturianu como "patrimoniu llingüísticu" y un valor social de respetu, convivencia y entendimientu, amás del deber del Principáu de promover y fomentar el so usu, asina como'l so espardimientu nos medios de comunicación y la enseñanza, respetando en tou casu les variantes. De toes maneres, esta decisión personal de Sánchez tendrá de llograr el sofitu del Comité Executivu Rexonal. Si esti órganu refugare'l mou de negociar del actual presidente del partíu podría dase por segura la so derrota ante una mui probable candidatura alternativa nel prósimu congresu rexonal.
Esbilla
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
El problema nel PP d'Asturies tien nome propiu cuantayá. Una personalidá débil, un carisma inesistente, gustu pol fracasu y idees bien probes: Ovidio Sánchez. Y tar xintando tolo que diz el PSOE pal Estatutu ye yá'l summun. Pol bien del Partíu Popular d'Asturies les bases tienen que lu quitar d'ehí YÁ.
Naguo por ver la candidatura alternativa. Tovía suaño con un tándem ganador Gabino + Pili Pardo.
Lo del Pp y Ovidio ye enforma llamentable.
De toles formes nun ye sorpresa, ye la confirmación del camin erraticu y el gustu del pp por perder elleciones.
Ta claro que n´asturies, si nun faen daque nun ganen en otros 30 años.
Cada perru que llamba...
El problema, amigos lliberales, ye la idea borbónico-franquista d'España que ta asentada na cabecina de la mayor parte de la derecha española. En contra d'eso podéis tar unos pocos lliberales verdaderos, pero la verdá ye que sois una ínfima minoría nuna mar d'integrismu nacionalista español. Muncha suerte nel vuestru empeñu y ánimu nestos tiempos duros que nos vienen enriba. Y el mio respectu y agradecimientu sinceros pol vuestru llabor.