La Fundación Caveda y Nava amuesa la so deceición cola postura del PP
circululliberal @ 08:58
ASTURIES.COM. La Fundación Caveda y Nava espresó esti miércoles, al traviés del so presidente Inaciu Iglesias, el so descontentu coles declaraciones del voceru del Partíu Popular asturianu, Joaquín Aréstegui, nes qu'afirmaba que'l so partíu nun diba asumir "de nenguna manera" la propuesta del Conceyu Abiertu pola Oficialidá no tocante a la inclusión de la oficialidá de la llingua asturiana nel Estatutu d'Autonomía. Iglesias aprovechó pa reiterar l'apoyu de la Fundación a la redaición del artículu IV del Estatutu d'Autonomía propuestu pol CAO, testu nel que se recueye que "les llingües cooficiales del Principáu d'Asturies son el castellanu y l'asturianu" asina como " el gallego-asturianu, nel so ámbitu territorial". Recuerden amás que'l Conceyu Abiertu, del qu'amás formen parte, consultó con ellos la redaición d'un testu que, poro, "faen propiu". No que cinca a la postura del Partíu Popular, formación cola que la Fundación Caveda y Nava aconceyara'l pasáu mes d'abril, amuésense deceicionaos énte una postura que "niega la posibilidá del debate enantes de que se produza".
Esbilla
del.icio.us
Nun hai comentarios »
Dexar un comentariu