El Círculu Lliberal d'Asturies ye un proyectu de calter asociativu asturianista, democráticu y transversal
EP. El Conceyu Abiertu pola Oficialidá (CAO) entiende que les declaraciones del parlamentariu popular autonómicu Joaquín Aréstegui, descartando l'asunción per parte del so partíu de la propuesta d'oficialidá de la llingua asturiana, "son inviduales y nun recueyen el sentir del so partíu". Asina lo manifestó'l voceru d'esti colectivu, Fernando Ornosa, en declaraciones a Europa Press. El representante del CAO respondía asina a les afirmaciones d'Aréstegui esta mañana, quien, tamién en declaraciones a Europa Press, dexaba claro que'l so partíu nun ta a favor de la oficialidá y que nun va asumir "de nenguna manera" la propuesta qu'esta mañana presentó-y el Conceyu. La mesma consiste nuna redaición del artículu cuartu del Estatutu d'Autonomía d'Asturies, nesti momentu en procesu de reforma, que recueye la oficialidá del castellanu, l'asturianu y la fala occidental.
Pa Ornosa la d'Aréstegui ye "una declaración individual que se desmarca d'otros cargos del PP". Ente ellos, citó al alcade d'Uviéu, Gabino de Lorenzo, a la cabezalera del PP de Xixón, Pilar Fernández Pardo, o al secretariu xeneral de la formación, Reinerio Álvarez. "Toos ellos ya ficieron declaraciones públiques a favor de la oficialidá", matizó Ornosa. Amás, recordó qu'ente les persones que tuvieron ayeri na presentación pública de la propuesta del CAO ante la Xunta Xeneral taben miembros del PP, ente ellos Humberto Gonzali. Pa Ornosa, "ye una imprudencia desmarcase d'esta manera, ensin consultalo col restu del partíu", y afirmó qu'esta actitú "sólo conduz al asturianu a la desapaición". Dexó claro amás que "querer dar pasos hacia los derechos d'usu nun ye denguna garantía si nun hai oficialidá, porque la llingua nun tien validez xurídica, nin nel ámbitu priváu nin nes rellaciones coles Alministraciones".
Esbilla
del.icio.us
Pue daquién desplicame por qué se camudó´l post onde se recoyíen les noticies sobre la presentación de propuesta del CAO?? Qué ye porque´l restu de medios dicien que la propuesta se fizo a pitición d´IU y el PP???
Quitáronse porque al camudar el formatu del blogue les nueves de La Nueva España y El Comercio apaecíen montaes, polo que yera imposible lleer nada. De toes formes colocamos los enllaces a esos medios y los dos dixitales n'asturianu, nun vaya ser que se quieran ver bisarmes onde nun les hai.