L'Asturies Lliberal

Félix Fernández de Castro López-Patiño llidera un frente antiasturianu que provoca una grave situación na Facultá de Filoloxía

circululliberal @ 11:17

Na Xunta de la Facultá que se cellebró ayeri, y que provocó la dimisión de la decana, presentábase una propuesta d'estructura de los títulos de grau d'alcuerdu cola reforma del espaciu européu. Refugáronse toles enmiendes presentaes menos una, defendida pol profesor Félix Fernández de Castro López-Patiño, qu'implicaba l'apoyu a tolo plantegao pol decanatu siempre que se sacara a la llingua asturiana de les titulaciones de grau. Votaron a favor de la enmienda, faciendo un frente antiasturianu, 34 asistentes, 30 en contra y hubo 7 votos en blancu. Con esta decisión apaez un grave problema, de connotaciones polítiques, na Facultá de Filoloxía, amás de les duldes que xurden sobre cómo se van a formar los profesores d'asturianu. LAL, per otra parte, recibió la información de qu'entamaron xestiones dende l'ámbitu lliberal col rector, Vicente Gotor, pa llogar una reconducción del problema que namás beneficia a seutores universitarios afines al PSOE.

Esbilla | del.icio.us