L'ASTURIES LLIBERAL

Fonte ASTURIES.COM

La Xunta pola Defensa de la Llingua Asturiana acaba facer pública la denuncia de lo que son "dos casos nuevos d'ataque a la llingua asturiana nel sistema educativu" y qu'evidencien "la precariedá llamentable y la situación d'allegalidá na que s'atopen los derechos llingüísticos y educativos n'Asturies".

Según les denuncies feches por dalgunos padres a la Xunta pola Defensa de la Llingua Asturiana, nes escueles Maestro Sarregui y Celestino Montoto de La Pola Siero, tán negándo-yos el derechu de matricular a los fíos na asignatura d'asturianu.

Según tienen denunciao, la direición de los mesmos nun ta dexando que los neños y neñes se matriculen en llingua asturiana si nun lo ficieron el cursu anterior, lo cual "va contra la circular que se mandó dende la Conseyería d'Educación qu'aclaraba que sí podía facese". Amás, denuncien que nel casu del Colexu Celestino Montoto, la dirección espresó públicamente la torga que suponen los grupos d'asturianu na organización del centru.

Por too ello la Xunta pola Defensa de la Llingua va facer llegar bien llueu esta denuncia a la Conseyería d'Educación pa que tome cartes nel asuntu y "s'igüe esti casu tan grave de violación de derechos llingüísticos y Educativos". Al empar ponen el dulda'l llabor e la Insección Educativa, yá que nun ye ésti'l primer casu rexistráu d'incumplimientu de la llei en materia educativa, polo que-y piden a la Conseyería d'Educación que garantice que "toos aquellos que quieran cursar l'asignatura d'asturianu puedan facelo ensin llimitaciones nin coacciones: que s'ufierte l'asignatura en tolos centros, en tolos niveles y pa tolos escolinos y escolines".

Esbilla | del.icio.us