Agora Chávez quier da-y un abrazu al rei
Esperemos que nun sía'l del osu. El casu ye que l'actual presidente de Venezuela, Hugo Chávez, anunció que pue visitar prósimamente España pa "recuperar con vixencia les rellaciones diplomátiques", y pa da-y un abrazu al rei. Chávez dio asina por superáu l'incidente de la última xunta iberoamericana de xefes d'estáu y de gobiernu y destacó la visita a Venezuela, esta mesma selmana, del ministru d'Asuntos Esteriores y Cooperación, Minguel Ángel Moratinos, de la que dixo ye un "pasu importante" pa la vuelta a la normalidá nes rellaciones ente Venezuela y España. "Considero pasada la páxina del incidente y vamos restablecer les rellaciones con toa vixencia con España", apuntó. Hasta onde sabemos paez que nun mencionó nin a Aznar nin a los "conquistadores".
Esbilla
del.icio.us
El Círculu Lliberal d'Asturies ye un proyectu de calter asociativu asturianista, democráticu y transversal
