El Círculu Lliberal d'Asturies ye un proyectu de calter asociativu asturianista, democráticu y transversal
Según pudo saber L'Asturies Lliberal de fontes del grupu entamador, el proyeutu de diariu n'asturianu sigue tomando forma. Llegóse yá a un alcuerdu con una empresa del seutor, y d'ámbitu estatal, que se roblaría nos oportunos actos mercantiles nuna fecha prósima, na ciudá de Barcelona. Tamién tuvimos accesu a otres dos novedaes. Una ye'l nome que tendrá'l periódicu: La Gaceta d'Asturies. la segunda ye la redaición d'un documentu base p'articular la collaboración de los blogues n'asturianu col diariu, tanto na edición impresa como na dixital. Rellacionao col puntu anterior, los entamadores de la iniciativa quieren aconceyar pa la fin de branu, nel marcu d'una espicha, con un piñu curiosu de persones que vienen perfaciendo la bloguesfera n'asturianu, pa facelos partícipes del proyeutu ya intercambiar idegues.
Esbilla
del.icio.us
Qué bona noticia!
Por dicilo con una espresión asturiana: Espero qu'esto nun quede pa prau y que tol asturianismo tea ehí sofitando a esi proyeutu que ye'l más prometedor de la última década...
Roblar alcuerdos en BCN... ¿planeta? ¡¡QUEREMOS SABER!!
La Gaceta?, suena mas antiguu que'l Cola-cao. Y si entama con una espicha ya tenemos otra "Nueva España". A lo meyor tamién a los blogueros yos dan una imaxe de la virxen de Covadonga. Habrá que tomalo en chancia...
Tranquilu Un, que nun ten van obligar a compralu. Y home, lo de la espicha nun ta mal. Claro que como la espicha nun la faen los de la to cuerda (si ye que tienes)...
Taría bien que La Gaceta nun tuviere cuerda... o meyor entá, que les tuviere toes...
La verdá qu'atopar blogueros de dereches va ser mui difícil, polo que veo...
embaxador, que yo sepa nesti sitiu siempre falaron que lo de los blogueros yera un mediu pa dar presencia a toles sensibilidaes del asturianismu. Home, los de La Gaceta yá dixeron que lo d'ellos yera la centralidá política. Vamos, van ser un periódicu lliberal, pero abiertu a otres formes de pensar. Y a mi ensin ser nin de centru nin de dereches paezme bien. Tengo que reconocer que la xente de la derecha suel prometer menos, pero fai lo que promete. Polo menos los asturianistes de dereches que conozo, y son munchos.
Supongo que sedrá Editorial Prensa Ibérica?. El nome suena bien, espero que tenga suerte.
Nun ye por nada pero paezme una absoluta llocura esti asuntu. Ye un proyectu que, o tien un apoyu multimillonariu del principáu y nun pue salir nin un númberu. ¿Pero daquién sabe lo que cuesta sacar un periódicu diariu?
Con tolos respetos pero creo que nos tán tomando'l pelo. Oxalá non.
Ois sos, ¿y quién te diz que nun teen trabayando l'apoyu del Principáu? A mi dame que si lo tán amarrando. Si ye asina nun nos lo van contar ¿non?, porque habría "otros danmificaos"...