L'ASTURIES LLIBERAL

La factura política que los malos datos económicos tán pasando al gobiernu socialista de Rodríguez Zapatero ta mui clara. Solo tres meses después de les elecciones xenerales desplómase la so intención de votu hasta allugase namás 1,1 puntos perriba de la del Partíu Popular. Esti ye'l resultáu d'una encuesta fecha por Sigma Dos, basada nun millar d'entrevistes telefóniques realizaes ente'l 10 y el 12 de xunu. La intención de votu pa lo socialistes cai al 41,3% mentantu la del PP xube al 40,2%. La primera conclusión d'estes cifres ye que crez la sensación de que l'executivu fizo tolo posible por negar la crisis y agora trata de minimizala con mentires y manipulaciones. Estos datos recién publicaos, xunto con otros d'esti mes qu'entamen a ver los dirixentes socialistes, lleven a una gran esmolición a munchos militantes del PSOE que, vista la duración previsible y la durez de la crisis económica, emprimen a adicar un panorama atacáu de sucesives derrotes electorales.

Esbilla | del.icio.us