L'ASTURIES LLIBERAL

El Grupu Municipal Popular de Xixón presentó güei, na Comisión de Facienda del Ayuntamientu de Xixón, enmiendes al proyeutu d'Ordenanza del asturianu y al Plan de Normalización que promueve l'equipu de gobiernu de la esquierda. Nel casu la Ordenanza los populares presentaron 9 enmiendes, d'adición o de modificación, según el casu. Ente elles son significatives les númberu 4 y 6, de modificación de los artículos 1 y 6, onde'l grupu del PP afita que "asturianu y castellanu son llingües propies del conceyu de Gijón/Xixón, siendo amás l'asturianu llingua tradicional". Na redaición del testu de PSOE y IX nun se mencionaba'l calter de propia pa la llingua asturiana. Nel casu del Plan de Normalización, el Grupu Municipal Popular presentó una enmienda a la totalidá, que se traduz dafechamente nun Plan de Normalización Social del Asturianu distintu del de la esquierda institucional, y más avanzáu nos sos oxetivos. El proyeutu del equipu de gobiernu tien un preámbulu de 4 folios, estremadamente ideoloxizáu, 1 foliu colos oxetivos del Plan, y namás 7 folios con midíes concretes (51 en total). El PP presentó un Plan con 118 midíes, nuna redaición yá abreviada, col envís de favorecer un posible consensu ente toles fuerces polítiques. Preséntase col enfotu d'aportar a una plena normalización del usu social de la llingua nos estremaos ámbitos del conceyu , y apuesta por llinies d'actuación qu'impliquen una importante interrellación cola sociedá xixonesa.

Esbilla | del.icio.us